நாடளாவிய ரீதியில் தேசிய பாடசாலைகளிற்கான ஆசிரியர் இடமாற்றம் கடந்த வாரத்திலிருந்து நடைமுறைப்படுத்தப்படுவதாக கல்வி அமைச்சு தெரிவித்துள்ளது.
இதன்படி கடந்த 20 ஆண்டுகளாக ஒரே தேசிய பாடசாலைகளில் கடமையாற்றிய 3,100 ஆசிரியர்கள் இடமாற்றம் செய்யப்படவுள்ளனர்.
இதேவேளை 10 வருடங்களிற்கு அதிக காலமாக ஒரே தேசிய பாடசாலையில் கடமையாற்றிய 9,300 ஆசிரியர்கள் இடமாற்றப்படவுள்ளனர்.
நாடளாவிய ரீதியில் 343 தேசிய பாடசாலைகள் உள்ளன. இப்பாடசாலையைச் சேர்ந்த ஆசிரியர்கள் பல்வேறு காரணங்களிற்காக இதுவரையில் இடமாற்றம் செய்யப்படவில்லை என அவ் அமைச்சு தெரிவித்துள்ளது.
மாகாணமட்ட பாடசாலைகளில் ஐந்து வருடங்களிற்கு ஒரு தடவை ஆசிரியர் இடமாற்றம் செய்யப்படுகின்றனர்.
